थप २९७५ मे कोरोना पुष्टि, ३५ के मृत्यु
काठमाडौं, २० सावन । बिटल २४ घण्टामे नेपालमे २ हजार ९ सय ७५ जहनमे कोरोना भाइरस संक्रमण डेखाइल बा । स्वास्थ्य मन्त्रालयके अनुसार ११ हजार ३ सय ५४ पीसीआर परीक्षणमे बुधके रोज थप २ हजार ९ सय ७५ जहनमे संक्रमण पुष्टि हुइल हो । यी सँगे नेपालमे कोरोना भाइरससे संक्रमित हुइनाके संख्या ७ लाख ५ हजार ७२ पुगल बा ।
अस्टेक एन्टिजेन विधिसे करल ४ हजार ९ सय ४४ परीक्षणसे १ हजार १ सय ३२ जहनमे पोजिटिभ डेखाइल बा ।
२४ घण्टामे पीसीआर ओ एन्टिजेन विधिसे करल १६ हजार २९८ परीक्षणमे ४ हजार १ सय ७ जहनमे संक्रमण पुष्टि हुइल मन्त्रालय जनैले बा ।
पछिल्का २४ घण्टामे थप १ हजार ५ सय ३५ जाने संक्रमणमुक्त हुइल बटैं । हालसम ठिक हुइलके संख्या ६ लाख ६१ हजार ६ सय ५१ रहल बा ।
नेपालमे कोरोना संक्रमणसे थप ३५ जहनके मृत्यु हुइल बा । हालसम कोरोनासे मृत्यु हुइनाके संख्या ९ हजार ९ सय ५७ पुगल बा ।
हालसम देशभर ३६ लाख ४ सय ४४ हजार ७२ नमुनाके पीसीआर परीक्षण हुइल बा । आइसोलेसनमे रहल संख्या ३३ हजार ४ सय ६४ रहल बा कलेसे क्वारेन्टाइनमे ३ सय ७८ जाने रहल बटैं ।
