सावन २५ से ३२ गतेसम खोप सप्ताह मनैना

काठमाडौं, २१ सावन । सरकार सावन २५ से ३२ गतेसम खोप सप्ताह मनैना बटैले बा । स्वास्थ्य तथा जनसंख्या राज्यमन्त्री उमेश श्रेष्ठ खोप सप्ताहके क्रममे दोसर डोजके खोप डेना कार्यहे प्राथमिकता डेना बटैलैं ।

बिफेक रोज प्रतिनिधिसभाके स्वास्थ्य तथा शिक्षा समितिमे बोल्टि राज्यमन्त्री श्रेष्ठ दोसर डोज खोप नैपाइल १३ लाख ५० हजारहे जापान ओ भुटानसे आइल खोप लगैना जानकारी डेलैं ।

जापान सरकारसे नेपालहे सहयोगके लाग प्रतिबद्धता करल १६ लाख डोज एस्ट्राजेनेके खोपमध्ये करिब आधा (८ लाख डोज) अगामी शनिच्चर ओ अँट्वार आपुगि । भुटानसे फेन ३ लाख खोप डेना प्रतिबद्धता जनैले बा । उहाँ खोप केन्द्र विस्तार करल जनैटि काठमाडौंमे १५०, ललितपुरमे ७७ ओ भक्तपुरमे ३८ ठो ढरल जानकारी करैलैं ।

देशभर जिल्लामे ’क्यूआर कोड’सहितके खोप कोर्ड डेना व्यवस्था करल समेत उहाँ बटैलैं ।