आठ उद्योग ओ फर्महे कारवाही

पहुरा समाचारदाता
धनगढी, २१ सावन । खाद्य प्रविधि तथा गुण नियन्त्रण कार्यालय धनगढीके वार्षिक समीक्षा गोष्ठी विफेक रोज सम्पन्न हुइल बा ।

कार्यक्रममे खाद्य प्रविधि तथा गुण नियन्त्रण कार्यालय धनगढीके वरिष्ठ खाद्य अनुसन्धान अधिकृत नवराज दाहाल धनगढी कार्यालय ओ मातहतके डिभिजन कार्यालयसे आर्थिक वर्ष ०७७/७८ अर्थात २०७७ सावन १ गतेसे २०७८ असार मसान्तसममे सम्पन्न करल मुख्य मुख्य कार्य ओ उहीसे हासिल प्रगति विवरण प्रस्तुत करल रहिट ।

आव ०७७/७८ मे खाद्य ऐन तथा नियम अनुसार न्युनस्तर तथा दूषित उत्पादन तथा विक्री वितरण करल कसुरमे ८ ठो मुद्दा टमान जिल्ला प्रशासन कार्यालय तथा जिल्ला अदालतमे फैसला उहाँ जनैलै । कलेसे ११ ठो मुद्दा दायर हुसेसेकल, अन्य कारबाहीके प्रकृयामे रहल उहाँ जनैलै ।
कार्वाहीमे परल उद्योग तथा फर्ममे धनगढी ८ कैलाली बैठना रश्मी अग्रवाल ओ धनगढी १ कैलाली बैठना मधु पाठक न्यूनस्तर खाद्य पदार्थ चामल उत्पादन विक्री वितरण करल कहटी कैलाली जिल्ला अदालतमे मुद्दा परके पच्चीस/पच्चीस हजार जरीवाना कैगिल रहे ।

टेकराज पाण्डेय, मदन प्रकाश न्यून गुणस्तरके खुल्ला गहत गेडाके विक्री वितरणके अभियोगमे डडेल्धुरा जिल्ला अदालतमे मुद्दा परके रु. ७ हजार जरिवाना तिरल रहिट । निर्मला ठकुराठी, निर्मला खुद्रा किराना पसल, अमरगढी–५, डडेल्धुरा चनाके दाल खुल्ला किरासे क्षति पुगाइल दाना विक्री करल अभियोगमे डडेल्धुरा जिल्ला अदालतमेृ मुद्दा परके ५ हजार जरिवाना परल रहिट ।

वसन्त राज चटौत, रावल किराना पसल, अमरगढी–४, डडेल्धुरा खुल्ला अजैविक पदार्थ रहल धनियाँ गेडा विक्री करल अभियोगमे डडेल्धुरा जिल्ला अदालतमे मुद्दा परके ४ हजार जरिवाना परल रहिट । तेजबहादुर रावल, भागेश्वर स्टोर, अमरगढी–५, डडेल्धुरा खुल्ला चाउर वेचेबेर जिवित किरा रहल अभियोगमे डडेल्धुरा जिल्ला अदालतमे मुद्दा परके १० हजार जरिवाना परल रहिट । पंकज पन्त, ओम बाबा स्टोर, अमरगढी–५, डडेल्धुरा खुल्ला मटर गेडा विक्री करेबेर जिवित किरा रहल ओ डडेल्धुरा जिल्ला अदालतमे मुद्दा परेबेर ७ हजार जरिवाना परल रहिट ।

तिलकप्रसाद भट्ट, राज स्वीट हाउस, गोठाला पानी बैतडी लेमन एल्लो साइनटेठिक फुड प्याकेट उपभोग्य मिति समाप्त हुइल विक्रीवितरण करल पाइलमे बैतडी जिल्ला अदालतमे मुद्दा परके हजार जरिवाना परल रहिट । ओस्टेक गम्भीरसिंह कार्की, जनता होटल, पन्जुकानयां, बैतडी बियर बोतल उपभोग्य मिति समाप्त हुइल भेटलपाछे बैतडी जिल्ला अदालतमे मुद्दा परके ५ हजार जरिवाना परल रहिट ।

ओस्टेक आव ०७७/७८ मे यी कार्यालय मार्फत ५ ठो जिल्ला प्रशासन कार्यालयमे मुद्दा दायर हुइल, एक ठो सरकारी वकील कार्यालयमे राय निकासाके लाग पेश करलमे २४ ठो हे बयानके लाग पत्राचार करल अधिकृत दाहाल जनैलै ।

मुद्दा दायर हुइल फर्म उद्योगमे रामचन्द्र भट्ट/राम ब्रदर्श, धनगढी–१, कैलाली चिसो पेय पदार्थ बोतल दुषित, न्यु जसलिङ्ग स्टोर भिनपा–४, कञ्चनपुर सुगर बोइल्ड कन्फेशनरी दुषित सरकारी वकील कार्यालयमे राय निकासाके लाग पेश करल, चेतन जेनरल स्टोर्स, धनगढी–३, कैलाली रस्क खाद्य ऐन उल्लंघन, मिनाक्षी शमार्, धनगढी–१, कैलाली किसमिस खाद्य ऐन उल्लंघन, एनएस बेकरी एण्ड फुड प्रोडक्टस, टीकापुर–१, कैलाली क्रिम बिस्कुट रहल बा । ओस्टे निषेधाज्ञाके समयमे करल ३ ठो उजुरीके सम्वोधन हुइल बा ।

सुदूरपश्चिम प्रदेशमे रहल उपभोक्ताके स्वास्थ्य ओ सुविधा कायम रख्न खाद्य ऐन नियमके प्रभावकारी कार्यान्वयन करटी खाद्य प्रविधि तथा गुण नियन्त्रण कार्यालय, धनगढीसे आव ०७७/७८ मे खाद्य स्वच्छता तथा गुणस्तर सुधारके लाग टमान कार्यक्रम संचालन ओ खाद्य पदार्थके विश्लेषण कैना कार्यफे करटी आइल बा । यी कार्यालय मातहतमे रहल खाद्य प्रविधि तथा गुण नियन्त्रण डिभिजन कार्यालय डडेल्धुरा, डोटी ओ बैतडीसे हुइटी आइल बा । आव ०७७/७८ मे खाद्य उद्योग तथा बजार निरिक्षण अनुगमन करके ऐन बमोजिम ३७६ खाद्य पदार्थ ओ १५ दाना पदार्थ करके जम्मा ३९१ नमुना संकलन हुइल रहे । धनगढी कार्यालयसे ७५ खाद्य नमुना, डडेल्धुरा, डोटी ओ बैतडीके डिभिजन कार्यालयसे १००, ८५ ओ ११६ थान नमुना संकलन हुइल रहे । संकलित नमुनामे परिक्षण हुइलमे २४ ठो (६.१४ प्रतिशत नमुना प्रतिकुल पाइल कार्यालय जनैले बा ।

उ मन्से तेल तथा घ्यूजन्यके २ नमुना, मसला तथा मसला जन्यके ३ नमुना, खाद्यन्न तथा दलहनजन्यके ११ ठो नमुना, प्रशेधित पिना पानी २ नमुना ओ और खाद्य पदार्थ ६ करके जम्मा २४ खाद्य नमुना प्रतिकुल रहल रहे । यी कार्यालय तथा मातहतके डिभिजन कार्यालयसे खाद्य स्वच्छता सर्भिलेन्सके अन्तर्गत कुल ५१३ (५०३ खाद्य तथा १० दाना) संख्यामे नमुना संकलन करके बिश्लेषण करल रहे ।

यी कार्यालयसे २४५, क्रमशः डडेल्धुरा, डोटी ओ बैतडीके डिभिजन कार्यालयसे ६२ (५२ खाद्य ओ १० खाना पदार्थ), ६७ ओ १३८ नमुना संकलन करल रहे । संकलित नमुना मन्से दूध तथा दुग्ध पदार्थ २१, तेल तथा घ्यूजन्यके ३४ ठो, फल तथा सागपात जन्य पदार्थके २८ ठो, मसला तथा मसला जन्यके ९ ठो, चिया कफिके १५, नून १३ ठो, खाद्यन्न तथा दलहनजन्यके १७९, प्रशेधित पिना पानी २०, गुलियो पदार्थ ४, कन्फेक्सनरीके १, मासु तथा मासु जन्य ४, अन्य खाद्य वस्तुके १६६, दाना पदार्थके १०, नमुना परिक्षण हुइलमे २४ (६.१४ प्रतिशत नमुना प्रतिकुल पाईल रहे ।

कार्यक्रममे सुदूरपश्चिम प्रदेश क्षेत्रमे बसोबास कैना थारु समुदाय लक्षित परम्परागत मासुजन्य परिकार घोङघा, गेंगटा, सुटही, घोङघी, कलेजो, सिधरा मच्छीके परम्परागत प्रविधिके पहिचान करके पोषण तत्वके विश्लेषण करके प्रोफइल तयार पारल जनाइल बा ।

उ अवसरमे सुदूरपश्चिम क्षेत्रमे कार्यरत कर्मचारी ओ खाद्य उद्योग मन्से दुई जनहनहे सम्मान करल बा ।

खाद्य प्रविधि तथा गुण नियन्त्रण कार्यालय धनगढीके वरिष्ठ खाद्य अनुसन्धान अधिकृत नवराज दाहालके अध्यक्षतामे हुइल कार्यक्रममे डिभिजन कार्यालय बैतडीके खाद्य अनुसन्धान अधिकृत कृष्णदत्त लेखक, नेपाल पत्रकार महासंघ कैलालीके अध्यक्ष हिमालय जोशी, उपभोक्त हकहित संरक्षण मञ्च सुदूरपश्चिम प्रदेशके महासचिव भोजराज जोशी उपभोक्ता सचेत हुई पर्नामे जोड डेहल रहिट ।

कार्यक्रमके संचालन खाद्य प्रविधि तथा गुण नियन्त्रण कार्यालय धनगढीके खाद्य अनुसन्धान अधिकृत उज्वल कोइराला करले रहिट । खाद्य प्रविधि तथा गुण नियन्त्रण कार्यालय धनगढी आर्थिक वर्ष ०७७/७८ अर्थात २०७७ सावन १ गतेसे २०७८ असार मसान्तसम १० लाख ४८ हजार ३ सय ५ रुप्या राजश्व संकलन हुइल कार्यालय जनैले बा ।