ब्राउन सुगरसतिह दुई पक्राउ

धनगढी, २२ साउवन । कैलालीमे ब्राउन सुगरसतिह दुई जाने पक्राउ परल बाटै ।

जिल्लाके गोदावरी नगरपालिकाके एक जाने युवा ओ एक युवती धनगढीके माया मेट्रो अस्पताल परिसरसे ब्राउन सुगरसहित पक्राउ परल हुइट ।

पक्राउ परुइयामे २२ वर्षीय रमेश विसी ओ २६ वर्षीया चन्दा विसी रहल जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी बटैलै । उहाँहुक्रन ठनसे ४ सय मिलिग्राम ब्राउन सुगर बरामद करल बा ।

विरामीहे भेटे गैल उहाँहुक्रनहे शंकाके आधारमे चेकजाँच करेबर लागुऔषध भेटल प्रहरी जनैले बा । उहाँहुक्रनहे अस्थायी प्रहरी चेक पोष्ट चटकपुरके टोलीसे नियन्त्रणमे लेहल हो । उहाँहुक्रन उपर थप अनुसन्धान हुइटी रहल प्रहरी जनैले बा ।