एसईईके नतिजा प्रकाशित
काठमाडौं, २३ सावन । राष्ट्रिय परीक्षा बोर्ड २०७७ सालके माध्यमिक शिक्षा परीक्षा (एसईई)के नतिजा प्रकाशित करले बा । विद्यार्थी अध्ययन करल विद्यालयसे करल मूल्यांकन देशभरसे संकलन करके बोर्ड प्रमाणित करके नतिजा प्रकशन करल हो ।
विद्यालयसे आइल मूल्यांकनहे प्रमाणीकरण करके सार्वजनिक करल परीक्षा नियन्त्रक रुद्रप्रसाद अधिकारी जानकारी डेलैं । विद्यालयके आन्तरिक मूल्यांकनहे प्रमाणीकरण करल ओरसे यी वर्ष फेन बोर्ड नतिजा विश्लेषण नैकरल उहाँ जानकारी डेलैं ।
उहाँ कलैं, ‘हम्रे विद्यालयसे पठाइल मूल्यांकनहे प्रमाणीकरण करल ओरसे जीपीए छुट्याके विश्लेषण करना बोर्ड आवश्यक नैठानल ।’
परीक्षा नियन्त्रण कार्यालय कक्षा १० एसईई परीक्षा २०७७ के नतिजा बोर्डके वेबसाइट, एसएमएस ओ आईभीआर मार्फ प्राप्त करेसेक्ना बटैले बा ।
बोर्ड २०७७ सालके नियमित तथा ग्रेडवृद्धि परीक्षाके नतिजा इजी सर्भिस प्रालिसे ३४९४९ आकाश टेक प्रालिसे ३१००३ ओ जानकी टेक्नोलोजी प्रालि मार्फत् ३५००१ मे एसएमएस करके हेरे सेक्ना ओ नेपाल टेलिकममार्फत १६०० एनसेलसे १६०० मे एसएमएस करके हेरे सेक्ना बटैले बा ।
अस्टेक बोर्ड २०७७ के एसईईके नतिजा टमान फर्म ओ संस्थासे समेत सार्वजनिक करना जनैले । बोर्ड बोर्डके अफिसियल बेवसाइटसे, नेपाल टेलिकम, द कन्सेपट प्लस, एडुसञ्जाल, नेपाल टेलिकम, ईकान्तिपुर ओ एनसेलके वेबसाइटसे सार्वजनिक करले बा ।
सम्बन्धित समाचार
