ठप ३,२१८ जनहनमे कोरोना संक्रमण, १९ जानेक मृत्यु
काठमाडौं, २३ सावन । पछिल्का २४ घण्टामे ठप ३,२१८ जनहनमे कोरोना भाइरस संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार ,८६६ जानेक पीसीआर परीक्षणमे २,२३१ ओ ४,७०७ एन्टिजेन परीक्षणमे ९८७ जाने करके ३२१ जनहनमे संक्रमण पुष्टि हुइल हो ।
कोरोना संक्रमणके कारण पछिल्का २४ घण्टामे १९ जानेक मृत्यु हुइल बा कलेसे संक्रमणमुक्त हुइनाके संख्या १७२२ रहल बा ।
हालसम नेपालमे कोराना संक्रमितके संख्या ७ लाख १२ हजार ७४० जाने पुगल बा । उ मन्से ६ लाख ६७ हजार २७० जाने ठिक हुइल बटै कलेसे सक्रिय संक्रमितके संख्या ३५ हजार ४३२ पुगल बा ।
जौन मन्से ३२ हजार २७ जाने होम आइसोलेसनमे ओ ३ हजार ४०५ जाने संस्थागत आइसोलेसनमे रहल बटै । ओस्टेक कोरोना संक्रमणके कारण १० हजार ३८ जानेक मृत्यु हुइल बा ।
पछिल्का २४ घण्टामे काठमाडौं उपत्यकामे ९२० संक्रमित भेटल बटै । जौन मन्से काठमाडौंमे ५९३, ललितपुरमे १८९ ओ भक्तपुरमे १३८ संक्रमित भेटल बटै ।
