सोनके मूल्य तोलामे १५ सय रुपैयाँ घटल

काठमाडौं, २४ सावन । सोन (सुन)के मूल्य तोलामे एक हजार पाँच सय रुपैयाँसे सस्ता हुइल बा । शुकके रोज ९१ हजार पाँच सय रुपैयाँमे कारोबार हुइल छापावाल सोनके भाउ अँट्वार ९० हजार रुपैयाँमे झरल हो ।

अस्टेक तेजावी सोनके मूल्य भर तोलामे एक हजार ४५० रुपैयाँसे सस्ता हुइल बा । शुकके प्रतितोलामे ९१ हजार रुपैयाँमे कारोबार हुइल तेजावी सोनके आजके कारोबार मूल्य ८९ हजार ५५० रुपैयाँ कायम हुइल बा ।

चाँदीके मूल्य भर तोलामे २५ रुपैयाँसे सस्ता बनके प्रतितोला एक हजार दुई सय ४० रुपैयाँमे काराबोर हुइटा । शुकके एक हजार २६५ रुपैयाँ चाँदीके कारोबार हुइल रहे ।