थप २१३७ नयाँ संक्रमित, ५५ के मृत्यु

काठमाडौं, २४ सावन । नेपालमे कोरोना संक्रमणसे थप ५५ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ९३ पुगल बा । पछिल्का २४ घण्टामे नेपालमे २ हजार १ सय ३७ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ९ हजार ३३ पीसीआर परीक्षणमे अँट्वार थप २ हजार १ सय ३७ जहनमे संक्रमण पुष्टि हुइल हो ।

अस्टेक एन्टिजेन विधिसे करल ३ हजार ३ सय ४५ परीक्षणसे ४ सय ११ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १२ हजार ३ सय ७८ परीक्षणमे २ हजार ५ सय ४८ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना संक्रमण हुइनाके संख्या ७ लाख १४ हजार ८ सय ७७ पुगल बा ।

बिटल २४ घण्टामे थप २ हजार २९ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ६९ हजार २ सय ९९ बा ।