डोटीमे बालिकाउप्पर बलात्कार

डोटी, २५ सावन । डोटीके जोरायल गाउँपालिकामे १४ वर्षिया बालिकाउप्पर बलात्कार हुइल बा । कैलाली घर रहल जोरायलमे बैठ्टि आइल बालिकाहे बलात्कार करल आरोपमे जोरायल–४ के ३८ वर्षिय कर्णबहादुर बोहराविरुद्ध जाहेरी दर्ता हुइल बा ।

बोहरा उ बालिकाहे बहलाफुस्लाके बलात्कार करल परिवारके आरोप बा । पीडित पक्ष सोम्मार जिल्ला प्रहरी कार्यालय डोटीमे अभियुक्त बोहरा विरुद्ध किटानी जाहेरी दर्ता करल जिल्ला प्रहरी कार्यालय डोटीके सहायक सूचना अधिकारी प्रहरी निरीक्षक रवीन्द्र चन्द बटैलैं ।

बलात्कार आरोपी बोहरा फरार रहल ओ खोजी कार्य शुरु करल उहाँ बटैलैं ।