कोरोना संक्रमणसे २२ के मृत्यु, थप २६०९ नयाँ संक्रमित

काठमाडौं, २५ सावन । नेपालमे कोरोना संक्रमणसे थप २२ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ११५ पुगल बा । बिटल २४ घण्टामे नेपालमे २ हजार ६०९ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार १० हजार ४४५ पीसीआर परीक्षणमे अँट्वार थप २ हजार ६०९ जहनमे संक्रमण पुष्टि हुइल हो ।

अस्टेक एन्टिजेन विधिसे करल ६ हजार १४९ परीक्षणसे १ हजार ४२ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १६ हजार ५९४ परीक्षणमे ३ हजार ६५१ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना संक्रमण हुइनाके संख्या ७ लाख १७ हजार ४८६ पुगल बा ।

पछिल्का २४ घण्टामे थप १ हजार ७८४ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ७१ हजार ८३ बा ।