ठप एक जानेक लाश फेला

पहुरा समाचारदाता
धनगढी,२५ सावन । गैल सावन १७ गते कैलाली मोहन्याल गाउँपालिका–३, रागाँ मलेखासे कर्णाली लडियामे कठुवक लाउ दुघर्टना हुके वेपत्ता हुइल एक जानेक लाश फेला परल बा ।

लाउ दुर्घटना हुके तत्काल बेपत्ता हुइल कैलाली मोहन्याल गाउँपालिका–३, रागाँके बरस वर्ष २० के उर्मिला सलामी मगरके लाश फेला परल हो ।

सावन २४ गते साँझके पाँच बजे जिल्ला कैलाली लम्कीचुहा नगरपालिका वडा न. ०३ स्थित कर्णाली लडियाके बिच भागमे अन्दाजी ३५/४० वर्षके महिलाके बेवारिसे लाश बा कहिके स्थानीयसे टेलिफोन मार्फत सुचना प्राप्त हुइटीकी ईलाका प्रहरी कार्यालय चिसापानी कैलालीसे तत्काल प्रहरी टोली उ स्थानमे खटके निज मृतक लाश निकार रहे ।

कानमे सोन जस्टे विल्गैना रिङ, बाँया हातके अंगरमिे चाँदीके औठी, लाल चुरिया ओ रक्षा बन्धनके लाल डोरी बाधल ओ अनुहार चिन्हे नइसेक्ना अवस्थामे रहे । तत्काल उ लाशके पहिचान खुले नइआइलपाछे मृत लाशहे पोष्ट मार्टमके लाग टिकापुर अस्पतालमे पठाइल रहे ।

मृतक लाशके पहिचान तथा आफन्तके खोजी कैना क्रममे हुकान गोसिया करन सलामी मगर सनाखत करके उ लाश पोष्टमार्टम पश्चात सतगतके लाग ससुरा नवल सिंह सलामी मगर सोम्मारके रोज लैगिल जिल्ला प्रहरी कार्यालय कैलाली जनैले बा ।