भीमदत्त नगरपालिकाके शिक्षा शाखामे तालाबन्दी

कञ्चनपुर, २७ सावन । कञ्चनपुरके भीमदत्त नगरपालिकाके शिक्षा शाखामा विगत २४ दिनसे तालाबन्दी करल बा ।

शिक्षा शाखा समितिके गत असार ३१ गते बैठल वैठकसे शिक्षक दरबन्दी मिलान कैना निर्णय करलपाछे नेपाल शिक्षक संघमे आवद्ध शिक्षकहुक्रे टमान माग रख्टी साउन ३ गतेसे शाखा कार्यालयमे तालाबन्दी करल शिक्षा शाखा प्रमुख हरिदत्त जोशी बटैलै ।

शिक्षकहुक्रे तालाबन्दी कैनाके साथे शाखा कार्यालय आघे धर्ना फेन डेटी रहल बाटै । तालाबन्दीसंगे धर्ना डेहल शिक्षकहुक्रे साउन १८ से रिले अनसन समेत करले बाटै । शिक्षा तथा मानव स्रोत विकास केन्द्रके शिक्षक दरबन्दी मिलान कार्यविधि २०७६ विपरित मनपरी ढंगसे दरबन्दी मिलान करल कहटी उहाहुक्रे आन्दोलित हुइल हो ।

शाखामे तालाबन्दी करेबर शिक्षकहुक्रे कार्य सम्पादन मुल्यांकन, शिक्षकके तलब लगायत अन्य काममे फेन प्राभाव परल शिक्षा शाखा जनैले बा ।