सेती प्रयोगशालामे थप २९ जनहनमे कोरोना पुष्टि

धनगढी, २७ सावन । धनगढीके सेती प्रादेशिक अस्पतालमे करल परीक्षणमे थप २९ जनहनमे कोरोनाके संक्रमण पुष्टि हुइल बा । बुधके अस्पतालके प्रयोगशालामे १ सय १७ जनहनके नमूना परीक्षण करलमे २९ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।

सूचना अधिकारी श्रेष्ठके अनुसार अस्पतालमे पाछेक २४ घण्टामे थप ८ जाने बिरामी भर्ना हुइल बाटै कलेसे चोखाके डिस्चार्ज हुउइयाके संख्या शुन्य रहल बा । हाल अस्पतालमे २७ जाने संक्रमित उपचाररत रहल बाटै । जौनमध्ये ४ जनहनके आइसियूमे राखके उपचार हुइटी रहल बा कलेसे २ जनहनके भेन्टिलेटरमे उपचार हुइटी रहल बा ।