फेरसे मनसुन सक्रियः अइना साता देशभर वर्षा हुइना
काठमाडौं, २७ सावन । अइना साता देशभर मनसुन सक्रिय हुइना बा । मनसुन न्यूनचापीय रेखा नेपालके तराई भूभाग लग्गे आपुगल ओरसे अइना साता देशभर मनसुन सक्रिय हुइना जल तथा मौसम विज्ञान विभाग जनैले बा ।
विभागके मौसमविद् समिर श्रेष्ठ कहलै, ‘आबके कुछ दिन देशके ढेर जैसिन स्थानमे वर्षा हुई । वर्षा निरन्तर नइहुके कुछ समय घाम लग्ना ओ कुछ समय वर्षा हुइना क्रम चल्टी रहल बा । उहाँक अनुसार वर्षा निरन्तर एक्के ठाउँमे नइहुके फरक–फरक दिन फरक स्थानमे हुइना औंल्याइल बा ।
हाल देशभर सामान्यसे पूर्ण बदली रहिके प्रदेश नं १, बागमती, गण्डकी, लुम्बिनी ओ सुदूरपश्चिम प्रदेशके कुछ स्थानमे हल्कासे मध्यम वर्षा हुइटी रहल बा । रात देशके अधिकांश स्थानमे सामान्यसे पूर्ण बदली रहिके प्रदेश नं १, २, बागमती, गण्डकी, लुम्बिनी ओ सुदूरपश्चिम प्रदेशके एक–दुई स्थानमे भारी वर्षाके सम्भावना रहल बटाइल बा ।
मौसम पूर्वानुमान महाशाखाके पछिल्का विवरणअनुसार आज काठमाडौँ उपत्यकाके न्यूनतम तापक्रम २१ दशमलव छ डिग्री ओ अधिकतम तापक्रम २९ दशमलव पाँच डिग्री सेल्सियस रहल बा । ओस्टेक आज सबसे कम जुम्लाो न्यूनतम तापक्रम १५ दशमलव पाँच डिग्री ओ सबसे ढेर दिपायलके अधिकतम तापक्रम ३६ दशमलव बा डिग्री सेल्सियस रहल बा ।
