थप ३९१५ जाने कोरोना संक्रमित, २७ के मृत्यु
काठमाडौं, २९ सावन । बिटल २४ घण्टामे ३ हजार ९ सय १५ जहनमे कोरोना भाइरस संक्रमण पुष्टि हुइल बा ।
११ हजार ७ सय ८ पीसीआर परीक्षण करलमे २ हजार ७ सय ६३ जाने ओ ६ हजार ८ सय ७४ एन्टिजेन परीक्षणमे १ हजार १ सय ५२ करके ३ हजार ९ सय १५ जहनमे कोरोना भाइरसके संक्रमण डेखाइल स्वास्थ्य तथा जनसंख्या मन्त्रालय जनैले बा ।
अस्टेक पछिल्का २४ घण्टामे कोरोना संक्रमणसे २७ जहनके मृत्यु हुइल बा कलेसे २ हजार १ सय १८ जाने ठिक हुइल बटैं ।
शुकके थपलसँगे नेपालमे कोरोना संक्रमितके कुल संख्या ७ लाख २८ हजार ५ सय ३२ पुगल बा । यीसँगे नेपाल मृत्यु हुइनाके संख्या १० हजार २ सय ३९ पुगल बा कलेसे ६ लाख ७९ हजार ४ सय ९५ जाने संक्रमणमुक्त हुइल बटैं ।
मन्त्रालयके अनुसार हाल देशभर सक्रिय संक्रमितके संख्या ३८ हजार ७९८ जाने रहल बटैं । जोनमध्ये ३५ हजार ५ सय १८ जाने होम आइसोलेसनमे बटैं कलेसे ३ हजार २ सय ८० जाने संस्थागत आइसोलेसनमे बटैं । कोरोनाके बिरामीमध्ये ७ सय ३६ जाने आईसीयू ओ १ सय ८६ जाने भेन्टिलेटरमे उपचाररत् बटैं । अस्टेक १० वर्ष टरेक ७३ बालबालिकामे कोरोना संक्रमण पुष्टि हुइल बा कलेसे ११ से २० वर्ष उमेर समूहके २ सय १८ जाने कोरोना संक्रमित थपल बटैं ।
कौन जिल्लामे कत्रा संक्रमित थप्लैं ?
स्वास्थ्य तथा जनसंख्या मन्त्रालयके अनुसार सबसे धेर काठमाडौंमे ७ सय ९९, कास्कीमे ३ सय ६६, चितवनमे १ सय ९९, झापामे १ सय ८०, भक्तपुरमे १ सय ६२, ललितपुरमे १ सय २८, सुनसरीमे १ सय १२ ओ मोरङमे १ सय ९ जहनमे कोरोना संक्रमण पुष्टि हुइल बा ।
अस्टेक नवलपरासी पूर्वमे ५५, दोलखामे ५२, मकवानपुर ओ रुपन्देहीमे ४९/४९ जाने, बागलुङमे ४२, नुवाकोटमे ३८, सुर्खेतमे ३२ जहनमे कोरोना संक्रमण डेखाइल बा ।
बाँकेमे २६, काभ्रेपलाञ्चोकमे २२, दाङमे २१, गोरखा ओ पाल्पामे १९/१९ जाने, धादिङ, तनहुँ ओ स्याङजामे १५/१५ जाने, इलाम ओ धनकुटामे १४÷१४ जाने, सिन्धुली ओ कञ्चनपुरमे १३/१३ जाने, लमजुङ ओ गुल्मीमे १२/१२ जाने ओ रामेछापमे ११ जाने कोरोना संक्रमित थपल स्वास्थ्य तथा जनसंख्या मन्त्रालय जनैले बा ।
