सुदूरपश्चिममे ४० जनहनमे संक्रमण पुष्टि

पहुरा समाचारदाता
धनगढी, ३२ सावन । सुदूरपश्चिम प्रदेशमे सोम्मारके रोज ४० जनहनमे कोरोना संक्रमण पुष्टि हुइल बा ।

प्रदेशभर पीसीआर ओ एन्टिजेन बिधिसे ९ सय ५ जनहनके नमुना परीक्षण करेबर ४१ जनहनमे संक्रमण पुष्टि हुइल स्वास्थ्य निर्देशनालय दिपायल डोटी जनैले बा । यहोर सेती प्रादेशिक अस्पतालमे १६२ जनहनके नमुना परीक्षण करेबर २१ जाने, महाकाली अस्पतालमे २४ जनहनके नमुना परीक्षण करेबर ३ जाने, डडेल्धुरा अस्पतालमे २८ जनहनके नमुना परीक्षण करेबर ३ जनहनमे संक्रमण पुष्टि हुइल बा ।

ओस्टके बैतडी अस्पतालमे ११ जनहनके नमुना परीक्षण करेबर ३ जनहनमे कोभिड–१९ के संक्रमण पुष्टि हुइल निर्देशनालय जनैले बा । ओस्टके सोम्मारके प्रदेशमे ४१ जाने कोरोना जितके घर गैल बाटै ।