थरुहट/थारुवान राष्ट्रिय मोर्चासे धर्ना
पहुरा |
१ भाद्र २०७८, मंगलवार
पहुरा समाचारदाता
धनगढी,३२ सावन । टिकापुर थरुहट थारुवान विद्रोहके ६ वर्षके पूर्व सन्ध्यामे थरुहट÷थारुवान राष्ट्रिय मोर्चा केन्द्रिय संयोजन समिति टिकापुर जनविद्रोहके आस्थाके राजबन्दीहुकनके न्याय ओ सम्मानजनक रिहाईके माग करटी काठमाण्डौके माइतीघर मण्डलामे धर्ना कार्यक्रम सुरु करले बा ।
टिकापुर घटनाके झुठा मुद्दा ओ माननीय रेशम चौधरी लगायत टिकापुर राजबन्दीहुकनके रिहाईके माग करटी धर्ना कार्यक्रम सुरु करल थरुहट÷थारुवान राष्ट्रिय मोर्चा जनैले बा ।
उहे क्रममे थारु जसपा नेपालके नेताहुक्रे समेत रेशम चौधरीके नाउँमे राजनीति करटी रहल कहटी थारुहुक्रे अपन अधिकारके लाग अपनही आघे बढे पर्ना बटैलै । मोर्चासे रेशम चौधरीलगायतके बन्दीके रिहाइ नइहुइटसम आन्दोलन जारी रख्न जनैले बा ।
