ठप ३२७४ जनहनमे कोरोनाभाइरस संक्रमण पुष्टि, २७ के मृत्यु
काठमाडौं, १ भदौ । पछिल्का २४ घण्टामे देशभर ३२७४ जनहनमे कोरोनाभाइरस संक्रमण पुष्टि हुइल बा । उहे अवधिमे २७ जाने ज्यान गुमैले बटै ।
स्वास्थ्य तथा जनसंख्या मन्त्रालयसे मंगरके रोज जनाइलअनुसार पछिल्का २४ घण्टामे १९२९ जाने संक्रमणमुक्त हुइल बटै । यि संगे देशभर कोरोना संक्रमितके कुल संख्या पीसीआर विधिसे करल परीक्षणमे ७ लाख ३७ हजार २९४ पुगल बा । कलेसे एन्टिजेन विधिसे करल परीक्षणमे ७६ हजार ८३३ जाने पुगल बा । संक्रमितमन्से ६ लाख ८७ हजार ६९ पुगल बा ।
ओस्टेक हालसम कोरोनासे ज्यान गुमुइयाके संख्या १० हजार ३५४ पुगल बा । हाल देशभर ३९ हजार ८७१ जाने सक्रिय संक्रमित रहल बटै ।
सेती प्रयोगशालामे ११ जनहनमे कोरोना पुष्टि
मंगरके सेती प्रादेशिक अस्पतालके प्रयोगशालामे ११ जनहनमे कोरोना पुष्टि हुइल बा । उ प्रयोगशालामे १०२ नमूनाके परीक्षण करेबर ११ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।
ओस्टके ९१ जनहनके रिपोर्ट निगेटिभ आइल बा । पाछेक २४ घण्टामे अस्पतालमे १ जाने अस्पतालमे भर्ना हुइल बाटै । हाल अस्पतालमे १९ जाने संक्रमित उपचाररत रहल बाटै ।
