कठुवासहित एक जे पक्राउ

पहुरा समाचारदाता
धनगढी, २ भदौ । ईलाका प्रहरी कार्यालय चिसापानीसे खटल प्रहरी टोली बुधके रोज कठुवासहित एक जनहनहे पक्राउ करले बा ।

पक्राउ परुइयामे कैलालीके लम्कीचुहा नगरपालिका वडा न. ०३ स्थित कैलाशधाम सामुदायिक वनमे कठुवा कटटी रहल उहे ठाउँ बल्चौर बैठना वर्ष २० के सुरज महतो रहल बटै । सालके रुखुवा कटटी रहल अवस्थामे पक्राउ करल प्रहरी जनैले बा ।

सालके गोलिया थान ६ (८६.२६ क्युफिट), फलामके हाते आरा थान २ (दुई), बन्चरो थान १ (एक), ट्युब थान ५ (पाँच) समेत फेलापारल जिल्ला प्रहरी कार्यालय कैलाली जनाइल । आवश्यक कारबाहीके लाग पक्राउ परल सुरज महतोहे सव–डिभिजन वन कार्यालय लम्कीमे पठाइल बा ।