२६१३ मे कोरोना पुष्टि, ४२ के मृत्यु

काठमाडौं, २ भदौं । २४ घण्टामे ११ हजार ८ सय ३९ जहनके पीसीआर परीक्षणमे २ हजार ६ सय १३ जहनमे कोरोना संक्रमण पुष्टि हुइल बा ।

अस्टेक ४ हजार ९ सय ९९ जहनके एन्टिजेन परीक्षणमे ७ सय ९० जहनमे संक्रमण पुष्टि हुइल बा । एन्टिजेन ओ पीसीआर करके ३ हजार ४ सय ३ जहनमे संक्रमण डेखाइल हो ।

अस्टेक २ हजार १ सय ४ जाने ठिक हुके डिस्चार्ज हुइल बटैं कलेसे ४२ जहनके मृत्यु हुइल बा । देशभर सक्रिय संक्रमितके संख्या ४० हजार नाघल बा ।

देशभर ४० हजार ३ सय ३८ जाने सक्रिय संक्रमित रहल बटैं । २१ ठो जिल्लामे पाँच सयसे बेर सक्रिय संक्रमित रहल बटैं ।