भाइरल जुरीके बिरामीको संख्या बढटी

कञ्चनपुर, ३ भदौ । कञ्चनपुरमे भाइरल जुरीके बिरामीके संख्या बढटी गैल बा । कुछ सातायहोर यहाँके अस्पताल ओ स्वास्थ्य संस्थामे भाइरल जुरीके बिरामी उपचारके लाग अइना क्रम बढल बा ।

यहाँस्थित महाकाली प्रादेशिक अस्पतालमे दैनिक १०० से ढेर भाइरल जुरीके बिरामीके उपचारके लाग अइना करल अस्पतालके मेडिकल सुपरिटेन्डेन्ट डा हरिकुमार श्रेष्ठ जानकारी डेलै । ‘भाइरल जुरी बढलेसेफे कोरोना भर नइहो, डा. श्रेष्ठ कहलै, ‘कोरोना संक्रमित पाँच जानेक उपचार हुइटी बा ।’

ओस्टेक करके महाकाली अस्पतालमे अक्सिजन हरेक वार्डमे पाइलपालइनसे पु¥यैना करके काम हुइटी रहल बा । ‘युएनओपियस’ नामक संस्थाके सहयोगमे यहाँ अक्सिजन प्लान्ट जडान कैना अस्पताल जनैले बा । ‘उ संस्थासे प्लान्टके ८० प्रतिशत उपकरण मगाइसेकल खबर आइल बा ।, उहाँ कहलै, ‘अब्बेक अस्पतालमे पाइपलाइन विस्तारके काम हुइटी रहल बा ।’

अस्पतालमे संक्रमित हुके उपचारके लाग अइना ओ ठिक हुके घर लौटना क्रम सामान्यरुपमे चल्टी रहल बा । स्वास्थ्य कार्यालयके अनुसार जिल्लाके ग्रामीण भेगके स्वास्थ्य संस्थामे फे भाइरल जुरीके बिरामी अइना क्रम बढल बा । स्वास्थ्य कार्यालयसे प्राथमिक स्वास्थ्य केन्द्र, स्वास्थ्य चौकीसे बिरामीके तथ्याङक जिल्लामे अइना बाँकी रहल जनैले बा ।