थप ३ हजार ७५ जनहनमे कोरोना संक्रमण
काठमाडौं, ३ भदौ । पाछेक २४ घण्टामे ३,०७५ जनहनमे कोरोना संक्रमण पुष्टि हुइल बा ।
११ हजार ९ सय ४६ पीसीआर परीक्षण करेबर २ हजार ३२१ जाने ओ ४ हजार ४९२ एन्टिजेन परीक्षण करेबर ७ सय ५४ कैके ३ हजार ७५ जनहनमे कोरोना भाइरसके संक्रमण डेखपरल स्वास्थ्य तथा जनसंख्या मन्त्रालय जनैले बा ।
ओस्टके पाछेक २४ घण्टामे कोरोना संक्रमणसे ३३ जनहनके मृत्यु हुइल बा कलेसे २ हजार १२६ जाने चोखाके गैल बाटै । बिफेक रोज थपल नेपालमे कोरोना संक्रमितके कुल संख्या ७ लाख ४२ हजार २२८ पुगल बा । यकरसंगे नेपाल मृत्यु हुउइयाके संख्या १० हजार ४२९ पुगल बा कलेसे ६ लाख ९१ हजार २२९ जाने संक्रमणमुक्त हुइल बाटै ।
मन्त्रालयके अनुसार हाल देशभर सक्रिय संक्रमितके संख्या ४० हजार ५ सयजाने रहल बाटै । जौन मध्ये ३७ हजार ११४ जाने होम आइसोलेसनमे रहल बाटै कलेसे ३ हजार ३८३ जाने संस्थागत आइसोलेसनमे रहल बाटै । कोरोनाके बिरामीमध्ये ७३९ जाने आईसीयू ओ १६८ जाने भेन्टिलेटरमे उपचाररत् रहल बाटै ।
