२१ हजार ८ सय ४३ जनहन निःशुल्क मास्क वितरण

पहुरा समाचारदाता
काठमाडौं, ३ भदौ । कोभिड–१९ संक्रमणके रोकथाम तथा जोखिम न्यूनीकरणके लाग नेपाल प्रहरीद्वसे संचालित ‘अपनेक मास्क खोई ?’ कार्यक्रम अन्तर्गत पछिल्का २४ घण्टामे २१ हजार ८ सय ४३ जनहनहे निःशुल्क मास्क वितरण करल बा ।

कार्यक्रम अन्तर्गत गैल वैशाख ६ गतेसे हालसम जम्मा ८ लाख ९५ हजार ४ सय ४३ जनहनहे निःशुल्क मास्क वितरण करल बा । नयाँ भेरियन्ट सहितके कोभिड–१९ के संक्रमण बढटी गैल सन्दर्भमे यिहीसे सिर्जना हुइना सेक्ना समस्या ओ चुनौतीहे दृष्टिगत करके संक्रमण रोक्न तोकल सुरक्षा मापदण्डहे दुरुस्त रुपमे कार्यान्वयनके लाग नेपाल प्रहरीसे ‘संक्रमणसे अपने बाँची ओ ओरहेफे बचाई कना नारा सहित ‘अपनेक मास्क खै ?’ लगायतके टमान सचेतनामूलक कार्यक्रमहे अभियानके रुपमे सञ्चालन करटी रहल बा ।

कोभिड–१९ रोकथाम तथा नियन्त्रणके लाग स्थानीय प्रशासनसे जारी करल निषेधाज्ञा उल्लंघन कैना १ सय ३४ जनहनहे १३ हजार ८ सय रुप्या जरिवाना करल बा । उ क्रममे स्वास्थ्य मापदण्ड उल्लंघन कैना ६ सय १० जनहनहे रोकके सम्झाई बुझाई छोरल बा । साथे देशभर सञ्चालित माईकिङ, प्लेकार्ड, पर्चापम्प्लेट सहितके १ सय ७३ ठो सचेतनामूलक कार्यक्रम अन्तर्गत २३ हजार ५ सय ९४ जनहनहे सचेत कराइल बा ।