धनगढी बजारके मुख्य सडकमे खल्टीखुल्टा

पहुरा समाचारदाता
धनगढी, ५ भदौ । धनगढी बजारके मुख्य सडक खल्टीखुल्टाके कारण जीर्ण बन्टी गैल बा ।

धनगढी उपमहानगरपालिकाके ट्राफिक चौराहसे क्याम्पस रोडसमके मुख्य सडक खल्टीखुल्टा जीर्ण बन्टी गैल हो । करिब एक बरस आघे मुख्य सडकमे परल खल्टीखुल्टा भाँठल रहे ।

मने एक बरस नैपुग्टी फेनसे सडकके बिच भागमे खल्टीखुल्टा परे लागल हो । सडक जीर्ण हुइटी गैलपाछे पैदल यात्रु ओ सवारी साधन चलुइयाहे समस्या हुइ लागल हो ।

उहे अवस्थाहे मध्येनजर कैटी जिल्ला ट्राफिक प्रहरी कार्यालय कैलालीके समन्वय ओ धनगढी उपमहानगरपालिकाके सहयोगमे धनगढी बजार क्षेत्रमे रहल खल्टीखुल्टा ढुंगागिट्टीसे भाँठे लागल हो ।