१४२४ मे कोरोना पुष्टि, ३० जहनके मृत्यु

काठमाडौं, ५ भदौं । बिटल २४ घण्टामे ७ हजार ७ सय ३ जहनके पीसीआर परीक्षणमे १ हजार ४ सय २४ जहनमे संक्रमण पुष्टि हुइल बा ।

अस्टेक ५ हजार ३ सय ७२ जहनके एन्टिजेन परीक्षणमे ६ सय ५१ जहनमे संक्रमण डेखाइल बा । एन्टिजेन ओ पीसीआर परीक्षण दुनु करके २ हजार ७५ जहनमे संक्रमण पुष्टि हुइल बा ।

देशभर कोरोना संक्रमणसे ३० जहनके मृत्यु हुइल बा कलेसे २४ घण्टामे ठिक हुइनाके संख्या २ हजार ३ सय ८२ रहल बा । देशभर हालसम ३९ हजार ३ सय २१ जाने सक्रिय संक्रमित रहल बटैं ।