थप १५४८ मे कोरोना पुष्टि, २४ के मृत्यु
पहुरा |
७ भाद्र २०७८, सोमबार

काठमाडौं, ७ भदौं । बिटल २४ घण्टामे १ हजार ५४८ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ८ हजार ७ सय ४ पीसीआर परीक्षणमे सोम्मार थप १ हजार ५ सय ४८ जहनमे संक्रमण पुष्टि हुइल हो ।
अस्टेक एन्टिजेन विधिसे करल २ हजार ६ सय २२ परीक्षणसे २ सय ५३ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल ११ हजार ३ सय २६ परीक्षणमे १ हजार ८ सय १ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना संक्रमण हुइनाके संख्या ७ लाख ४८ हजार ९ सय ८१ पुगल बा ।
बिटल २४ घण्टामे थप १ हजार ९ सय २४ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ७ लाख ९७ बा ।
नेपालमे कोरोना संक्रमणसे थप २४ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ५ सय ३३ पुगल बा ।
