बच्चा हत्या आरोपमे एक महिला पक्राउ
पहुरा समाचारदाता
धनगढी, ८ भदौ । बच्चाके हत्या करल आरोपमे बैतडीके एक महिलाहे प्रहरीसे पक्राउ करले बा । जिल्लाके डिलासैनी गाउँपालिका–७ के ३५ वर्षीया महिला पक्राउ परल हुइट ।
घरसे एक सय मिटरके दूरीमे रहल मकैबारीमे बच्चाहे जलमाके हत्या करल आरोपपाछे महिलाहे पक्राउ करल इलाका प्रहरी कार्यालय पाटनके प्रमुख प्रहरी निरीक्षक राजेश शाही जानकारी डेलै ।
बच्चा जलमलपाछे केराके सापडासे घाँटी थिचके हत्या करल कहटी उहाँक ससुरुवा डेहल जाहेरीके आधारममे पक्राउ करल शाही बटैलै । उहाँविरुद्ध कर्तव्य ज्यान शीर्षकमे मुद्दा दर्ता करके अनुसन्धान हुइटी रहल बा ।
गाउके एक युुवकसंगके अनैतिक सम्बन्धसे उहाँ गर्भवती हुइल यी आघे सार्वजनिक हुइल रहे । बच्चा जलमलपाछे युवकसे बुझके पालनपोषण कैना सहमति समेत गाउँलेहुक्रे करैले बटै ।
उ महिलाकके गोसिया रोजगारीके लाग भारतमे गैल ओ १० वर्षसे सम्पर्कमे नइरहल स्थानीय बटैठै । उहाँक दुई सन्तानसमेत बटै ।
