सेती प्रयोगशालामे १९ जनहनमे कारोना पुष्टि

धनगढी, ९ भदौ । बुधके सेती प्रादेशिक अस्पतालके प्रयोगशालामे १९ जनहनमे कोरोना पुष्टि हुइल बा । उक्त प्रयोगशालामे १३४ नमूनाके परीक्षण करेबर १९ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।

ओस्टके ११५ जनहनके रिपोर्ट निगेटिभ आइल बा । पाछेक २४ घण्टामे अस्पतालमे ५ जाने अस्पतालमे भर्ना हुइल बाटै । कलेसे १ जाने अस्पतालसे डिस्चार्ज हुइल बाटै । हाल अस्पतालमे १४ जाने संक्रमित उपचाररत रहल बाटै ।