निर्मला पन्त हत्याके अनुसन्धान तथ्य लग्गे पुगल बाटीः गृहमन्त्री खाँण

काठमाडौं, १० भदौ । गृहमन्त्री बालकृष्ण खाँण निर्मला पन्त हत्याके अनुसन्धान तथ्य लग्गे पुगल बटैले बाटै ।

बिफेक रोज राज्य व्यवस्था समितिके बैठकमे बोल्टी गृह मन्त्री खाँण निर्मला पन्त घटनाके अनुसन्धानमा तथ्य लगगे पुगल जानकारी डेलै । अपराधी भागे सेक्ना हुइल ओरसे अनुसन्धानके अवस्था बाहर नैलानल उहाँ बटैलै । ‘निर्मला पन्तके हत्याके अनुसन्धान कैके तथ्यके लग्गे सरकार पुगल बा । अनुसन्धानके प्रक्रिया बाहर लानेबर अपराधी भागे सेक्ना हुइल ओरसे फेन अनुसन्धानके अवस्था बाहर नैलानल हो ।’ गृहमन्त्री खाँण कहलै, ‘प्राप्त सूचना हेरेबर सत्य तथ्य हाली पत्ता लागी ।’

भीमदत्त नगरपालिका–२ उल्टाखामके १३ वर्षीया बालिका निर्मला पन्तके बलात्कारपाछे हत्या हुइल रहे । मने ओहकान हत्यामे संलग्न अब्बेसम पक्राउ परे नैसेकल हुइट । २०७५ सावन १० गते हेराइल पन्तके ११ गते शव भेटल रहे । पोष्टमार्टम रिपोर्टमे ओहकान बलात्कारपाछे नै हत्या हुइल पुष्टि हुइल रहे ।