करेन्ट लागके एकके मृत्यु

पहुरा समाचारदाता
धनगढी, १० भदौ । कैलालीके एक युवतीके करेन्ट लागके मृत्यु हुइल बा । जिल्लाके गोदावरी नगरपालिका–५ बैठुइया ४० वर्षीया सोनिया रानाके करेन्ट लागके ज्यान गैल जिल्ला प्रहरी कार्यालय कैलाली जनैले बा ।

बुधके साँझ कञ्चनपुरके बेलौरी नगरपालिका–५ भकुण्डास्थित लहेर घरमे मोटरके तार गोरामे बाझके करेन्ट लागेबर गम्भीर घाहिल हुइल ओहकान ईशान मेमोरियल अस्पताल बेलौरीमे उपचारके क्रममे मृत्यु हुइल प्रहरी जनैले बा । उ सम्बन्धमे प्रहरी थप अनुसन्धान करटी रहल बा ।