थप २ हजार ५२ जहनमे कोरोना संक्रमित, २६ के मृत्यु
काठमाडौं, १० भदौ । बिटल २४ घण्टामे २ हजार ५२ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ९ हजार ७ सय २ पीसीआर परीक्षणमे बिफेक रोज थप २ हजार ५२ जहनमे संक्रमण पुष्टि हुइल हो । यीसँगे नेपालमे कोरोना संक्रमण हुइनाके संख्या ७ लाख ५४ हजार ९ सय १५ पुगल स्वास्थ्य तथा जनसंख्या मन्त्रालय जनैले बा ।
अस्टेक एन्टिजेन विधिसे करल ४ हजार ६ सय ७२ परीक्षणमे ३ सय ८१ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १४ हजार ३ सय ७४ परीक्षणमे २ हजार ४ सय ३३ जहनमे संक्रमण पुष्टि हुइल मन्त्रालय जनैले बा ।
पाछेक २४ घण्टामे थप १ हजार ९ सय २९ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ७ लाख ५ हजार ८ सय ९३ बा ।
नेपालमे कोरोना संक्रमणसे थप २६ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ६ सय ३८ पुगल बा ।
नेपालमे कोरोनाके सक्रिय संक्रमितके संख्या ३८ हजार ३ सय ८४ रहल बा ।
