बेँर्रा

सपना काठ्मन्डु पह्रि । कबुकाल डस्या डेवारिम घर आइ । हुकहिन थारु समाज न पस्गुरल लागिन । जब उ आपन डाई हन बेर्रा भाँरुट, ढक्या, डेल्वा बिनट डेखि व बाबाहन छिट्नि, गैँजा, डेल्या व हेल्का बिनट् डेखि । आपन डाई बाबन कहि–

“का डुख कर परल डाई । बेँर्रा का जे चहल ? ग्याँस लेक भाट रिझालेउ । ढक्या, डेल्वक सटाहा सस्टा बजारिम सामान मिल्जाइट । बाबा फे का डुख कर पर्लिन  । आस्काल सक्कु चाज ट बजारिम मिल्जाइट जे ।’

आपन छाइक बाट सुन्क बुर्ह्या बुर्ह्वा पालिक पाल्या ब्वालँट–

“ट्वार भ्वाजक सामा कर्टि छाइ । बेर्रा, ढक्या, डेल्वा लैजिब्या काहुँ ।’

सपना आपन डाई बाबन कौनो चाज नि लैजिम कहि । जब भ्वाज हुइलन टब बल्ल पटा चल्लन । आस्काल लहेरिक याड अइठन ट बेर्रा बक्समसे निकारके चामचिम राटसम बैसल रठि । खै मनम का सोच्ठि व एक डुइ बुन्डा आँस गिसैठि ।

ठाकुरद्वारा, बर्दिया