थप २,०६५ जनहनमे कोरोना संक्रमण, २,३३७ जाने संक्रमणमुक्त
काठमाडौं, ११ भदौ । पाछेक २४ घण्टामे देशभर थप २,०६५ जनहनमे कोरोना भाइरस संक्रमण पुष्टि हुइल बा ।
८,७५२ जनहनके पीसीआर परीक्षण करेबर १,५७७ ओ ४,३६५ के एन्टिजेन परीक्षणमे ४८ सहित २,०६५ जनहनमे कोरोना संक्रमण डेख परल स्वास्थ्य तथा जनसंख्या मन्त्रालय जनैले बा ।
ओस्टके कोरोना संक्रमणसे थप २५ जनहनके मृत्यु हुइल बा कलेसे २,३३७ जाने संक्रमणमुक्त हुइल बाटै ।
शुकके थपलसंगे नेपालमे कोरोना संक्रमितके कुल संख्या ७ लाख ५६ हजार ७९२ पुगल बा । इ संगे नेपाल मृत्यु हुउइयाके संख्या १० हजार ६६३ पुगल बा कलेसे ७ लाख ८ हजार २३० जाने संक्रमणमुक्त हुइल बाटै ।
मन्त्रालयके अनुसार हाल देशभर सक्रिय संक्रमितके संख्या ३७ हजार ५९९ जाने रहल बाटै । जौन मध्ये ३४ हजार ६७६ जाने होम आइसोलेसनमे रहल बाटै कलेसे २ हजार ९२३ जाने संस्थागत आइसोलेसनमे रहल बाटै । कोरोनाके बिरामीमध्ये ६२२ जाने आईसीयू ओ १७१ जाने भेन्टिलेटरमे उपचाररत् रहल बाटै ।
ओस्टके १० बरस टरेक ३९ बालबालिकामे कोरोना संक्रमण पुष्टि हुइल बा कलेसे ११ से २० बरस उमेर समूहके १ सय २० जाने कोरोना संक्रमित थपल बाटै ।
स्वास्थ्य तथा जनसंख्या मन्त्रालयके अनुसार सबसे ढिउर काठमाडौंमे ४५४, कास्कीमे १८१, ललितपुरमे १६९, मोरङमे ११२ ओ भक्तपुरमे ९२ जनहनमे कोरोना संक्रमण पुष्टि हुइल बा ।
ओस्टके मकवानपुरमे ५५, सुनसरीमे ५४, रुपन्देहीमे ५०, काभ्रेपलाञ्चोकमे ४६, चितवनमे ४५, झापामे ३३, स्याङजामे २९, नुवाकोटमे २३, जुम्लामे २१, दोलखामे १८, बाँकेमे ११ तथा धादिङ ओ सिन्धुलीमे १०÷१० जनहनमे कोरोना संक्रमण डेखल स्वास्थ्य तथा जनसंख्या मन्त्रालय जनैले बा ।
