थप १५१६ कोरोना संक्रमित, २७ के मृत्यु
काठमाडौं, १२ भदौं । बिटल २४ घण्टामे १ हजार ५ सय १६ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ९ हजार ४ सय ९ पीसीआर परीक्षणमे शनिच्चरके रोज थप १ हजार ५ सय १६ जहनमे संक्रमण पुष्टि हुइल हो । यीसँगे नेपालमे कोरोना संक्रमण हुइनाके संख्या ७ लाख ५८ हजार ८ पुगल स्वास्थ्य तथा जनसंख्या मन्त्रालय जनैले बा ।
अस्टेक एन्टिजेन विधिसे करल ३ हजार ७ सय ६७ परीक्षणसे ३ सय ४१ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १३ हजार १ सय ७६ परीक्षणमे १ हजार ८ सय ५७ जहनमे संक्रमण पुष्टि हुइल मन्त्रालय जनैले बा ।
बिटल २४ घण्टामे थप २ हजार २ सय २२ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ७ लाख १० हजार ४ सय ५२ बा ।
नेपालमे कोरोना संक्रमणसे थप २७ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ६ सय ९० पुगल बा ।
नेपालमे कोरोनाके सक्रिय संक्रमितके संख्या ३६ हजार ८ सय ६६ रहल बा ।
थप ७ जनहनमे कोरोना पुष्टि
सेती प्रादेशिक अस्पतालके प्रयोगशालामे थप ७ जनहनमे कोरोना पुष्टि हुइल बा ।
पाछेक २४ घण्टामे प्रयोगशालामे १४९ नमूनाके परीक्षण करेबर ७ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके १३२ जनहनके रिपोर्ट निगेटिभ आइल बा । पाछेक २४ घण्टामे अस्पतालमे १ जाने अस्पतालमे भर्ना हुइल बाटै । कलेसे ३ जाने अस्पतालसे डिस्चार्ज हुइल बाटै ।
ओस्टके अस्पतालमे ५ जाने आइसीयु ओ तिन जनहनके भेन्टीलेटरमे उपचार हुइटी रहल अस्पताल जनैले बा । हाल अस्पतालमे १४ जाने संक्रमित उपचाररत रहल बाटै ।
