महालक्ष्मी बैंक सन्देशमुलक होर्डिङ बोर्ड हस्तान्तरण

पहुरा समाचारदाता
मसुरिया, १३ भदौ । गौरीगंगा–८ मे रहल महालक्ष्मी विकास बैंक मसुरिया शाखासे सन्देश मुलक होर्डिङ बोर्ड हस्तान्तरण करले बा । कोभिड–१९ से बचाइक लाग स्वास्थ्य जीवन शैली ओ व्यवहारमे मास्क प्रयोग सम्बन्धि सन्देश मुलक बोर्ड बैंकके संस्थागत सामाजिक उत्तरदायित्व कार्य अन्तर्गत ईलाका प्रहरी कार्यालय मसुरियाहे हस्तान्तरण करल हो ।

शाखा प्रबन्धक पदमबहादुर कठायत ओ मसुरिया बजार व्यवस्थापन समितिके अध्यक्ष हरि प्रसाद जोशी संयुक्तरूपमे ईप्रका प्रमुख गोपाल कार्की ओ अस्थायी ट्राफिक पोष्ट मसुरिया प्रमुख जितमान धामीहे ५ थान होर्डिङ हस्तान्तरण करल रहिट । बोर्ड हस्तान्तरण कार्यक्रम पश्चात् मसुरिया बजारमे पैदल यात्रीहे मास्क फेन वितरण करल रहे ।

सरस्वती मावि उदाशिपुरके प्रअ दानबहादुर खातीसे कोभिड–१९ से समुदाय ओ शैक्षिक क्षेत्रमे परल असरके बारेम राज्यका निकाय जिम्मेवार जवाफदेही हुइ नैसेकल कहटी सर्वसुलभ खोपके व्यवस्थापन सहित बालबालिकाके शैक्षिक भविष्यके बारेम सोच्न आग्रह करल रहिट । कार्यक्रमके उद्देश्य ओ कार्यक्रम पत्रकार घनश्याम पौडेल करल रहिट ।