थप १९०२ कोरोना संक्रमित, १८०८ संक्रमणमुक्त
काठमाडौं, १४ भदौ । बिटल २४ घण्टामे १ हजार ९ सय २ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ११ हजार ८ सय ९२ पीसीआर परीक्षणमे सोम्मार थप १ हजार ९ सय २ जहनमे संक्रमण पुष्टि हुइल हो । यीसँगे नेपालमे कोरोना संक्रमण हुइनाके संख्या ७ लाख ६१ हजार १२४ पुगल स्वास्थ्य तथा जनसंख्या मन्त्रालय जनैले बा ।
अस्टेक एन्टिजेन विधिसे करल ४ हजार ३ सय ४१ परीक्षणसे ३ सय ९३ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १६ हजार २ सय ३३ परीक्षणमे २ हजार २ सय ९५ जहनमे संक्रमण पुष्टि हुइल मन्त्रालय जनैले बा ।
पछिल्का २४ घण्टामे थप १ हजार ८ सय ८ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ७ लाख १४ हजार ५ सय २० बा ।
नेपालमे कोरोना संक्रमणसे थप १६ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ७ सय ३० पुगल बा ।
नेपालमे कोरोनाके सक्रिय संक्रमितके संख्या ३५ हजार ८ सय ७४ रहल बा ।
