कैलालीमे विद्यालय खोल्न तयारी

धनगढी, १७ भदौ । कैलालीमे विद्यालय खोल्न तयारी करल बा । सरकारसे प्रमुख जिल्ला अधिकारी नेतृत्वके जिल्लास्तरीय कोभिड–१९ संकट व्यवस्थापन केन्द्रके समन्वयमे विद्यालय खोले सेकजैना निर्णय करलसंगे कैलालीमे स्थानीय तहके जनप्रतिनिधिसंग छलफल हुइटी रहल हो । कोरोनाके कारण इ शैक्षिक सत्रमे विद्यालय नै सञ्चालन हुइ सेकल नैहो ।

बिफेक लाग बोलाइल बैठकमे विद्यालय सञ्चालनके विषयमे छलफल हुइना सहायक प्रमुख जिल्ला अधिकारी हिरालाल चौधरी बटैलै । काठमाडौंमे शैक्षिक संस्था सञ्चालन कैना निर्णय हुइलपाछे कैलालीमे फेन जनप्रतिनिधिसे छलफल कैना बैठक बोलाइल उहाँ बटैलै ।

स्थानीय तहके जनप्रतिनिधी ओ सरोकारवाला निकायसे इहीसे आघे नै शैक्षिक संस्था सुचारु कैना प्रमुख जिल्ला अधिकारीके ध्यानाकर्षण करैटी आइल बाटै । सम्भवतः विद्यालय सञ्चालनके निर्णय हुइना उहाँ बटैलै ।