प्रहरीमे भर्ना कराडेबु कहटी ठगी करुइया एक युवक प्रकाउ
पहुरा समाचारदाता
धनगढी, १७ भदौ । प्रहरीमे भर्ना कर्वाडेबु कहटी ठगी करुइया एक युवक पक्राउ परल बाटै ।
पक्राउ परल युवक बझाङ जिल्लाके मष्टा गाउँपालिका वडा नम्बर २ के २५ वर्षिय मनोज कुमार सिंह रहल बाटै । हाल प्रहरी जवान पदके सक्कु परीक्षा समाप्त हुइल अवस्थामे उहाँ ठगी करल भेटलपाछे पक्राउ करल जिल्ला प्रहरी कार्यालय कैलालीसे बिफेक रोज पत्रकार सम्मेलनके आयोजना कैटी सार्वजनिक करल हो ।
बुधके उहाँहे धनगढी उपमहानगरपालिका–३ चौराहासे पक्राउ करल जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी बटैलै । ओहकान अनुसार प्रहरी बना डेना कहटी सिंह पीडितसे ६० हजार रकम समेत मागल जनाइल बा ।
साथे सिंह रकम नैडेलेसे प्रहरीके छनोटसे फेल कैडेना कहटी धम्की समेत डेना करल प्रहरी जनैले बा । पक्राउ परल सिंहउपर ठगी शिर्षकमे मुद्धा दर्ता कैके अनुसन्धान हुइटी रहल प्रहरी जनैले बा ।
