थप १७५६ जहनमे कोरोना संक्रमण, २३ के मृत्यु
काठमाडौं, १८ भदौ । बिटल २४ घण्टामे देशभर १ हजार ७५६ जहनमे कोरोना संक्रमण पुष्टि हुइल बा । ९ हजार ७७३ नमुनाके पीसीआर परीक्षण करलमे १ हजार ३५७ ओ ४ हजार ५६१ एन्टिजेन परीक्षण करलमे ३९९ जहनमे कोरोना संक्रमण देखाइल स्वास्थ्य तथा जनसंख्या मन्त्रालय जनैले बा ।
कोरोना संक्रमणसे थप २३ जहनके मृत्यु हुइल बा कलेसे २ हजार २७४ जाने कोरोनामुक्त हुइल बटैं ।
नेपालमे कोरोना संक्रमितके कुल संख्या ८ लाख ५१ हजार ९६४ पुगल बा । उमध्ये ७ लाख २३ हजार ४५६ जाने कोरोनामुक्त हुइल बटैं कलेसे १० हजार ८०९ जहनके मृत्यु हुइल बा ।
हाल देशभर रहल सक्रिय संक्रमितमध्ये ३० हजार ६६२ जाने होम आइसोलेसनमे रहल बटैं । अस्टेक संस्थागत आइसोलेसनमे २ हजार ३४४ जानेमध्ये ५४० जाने आईसीयू ओ १५६ जानेक भेन्टिलेटरमे उपचार हुइटि बा ।
अस्टेक १० वर्ष टरेक ३३ बालबालिकामे कोरोना संक्रमण पुष्टि हुइल बा कलेसे ११ से २० वर्ष उमेर समूहके ८९ जाने कोरोना संक्रमित थपल मन्त्रालय जनैले बा ।
कौन जिल्लामे कत्रा संक्रमित थपलै ?
स्वास्थय तथा जनसंख्या मन्त्रालयके अनुसार सबसे ढेर काठमाडौंमे ४६७, ललितपुरमे १२९, कास्कीमे १०४ ओ मोरङमे ९९ जहनमे कोरोना संक्रमण पुष्टि हुइल बा ।
अस्टेक भक्तपुरमे ७१, झापामे ४१, जुम्लामे ३८, सुनसरीमे ३५, चितवनमे ३२, मकवानपुरमे ३१, कैलालीमे २९, रुपन्देहीमे २७, बर्दियामे १८, दाङमे १६, नवलपरासी पुर्वमे १३, इलाम ओ नुवाकोटमे १२/१२ जाने तथा बागलुङमे ११ जहनमे कोरोना संक्रमण डेखाइल मन्त्रालय जनैले बा ।
