विङ्गर ओ अटो एक आपसमे टकरा हुइल दुर्घटनामे तीनके ज्यान गैल
धनगढी, १९ भदौ । कैलालीमे शुकके रात विङ्गर ओ अटो एक आपसमे टकरा हुइल दुर्घटनामे तीन जनहनके ज्यान गैल बा कलेसे चार जाने घाहिल हुइल बाटै ।
कैलालीके गौरीगंगा नगरपालिका–४, राजिपुर स्थित पुर्व पश्चिम रार्जमार्गमे पश्छिउसे पुरुब ओर जैटी रहल म १ ज ३१९ नम्बरके विईङ्गर ओ पुरुबसे पश्छिउ ओर अइटी रहल से १ ह २५१० नम्बरके अटो रात करिब ११ बजे ओर एक आपसमे टकराके दुर्घटना हुइबर अटोमे सवार ३ जनहनकके उपचारके क्रममे सेती प्रादेशिक अस्पतालमे मृत्यु हुइल प्रहरी जनैले बा ।
जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी अटोमे सवार ७ जाने घाहिलहे उपचारके लाग सेती प्रादेशिक अस्पताल धनगढी लाननमे उपचारके क्रममे ३ जनहनके ज्यान गैल बटैलै ।
मृत्यु हुउइयामे घोडाघोडी नगरपालिका वडा नम्बर ९ के २४ वर्षीय युवराज चौधरी, उहे ठाउँके २६ वर्षीय भिगम चौधरी ओ १९ वर्षीय जितेन चौधरी रहल प्रहरी जनैले बा ।
ओस्टके घाहिल हुउइयामे घोडाघोडी नगरपालिका ९ के २४ वर्षिय दिपेन्द्र चौधरी, उहे ठाउँके अटो चालक २२ बरसके सुरेश चौधरी, २० बरसके असान्त चौधरी ओ ३० बरसके हरी चौधरी रहल बाटै । घाहिल चारु जनहनके धनगढी स्थित माया मेट्रो अस्पतालमे उपचार हुइटी रहल प्रहरी उपरीक्षक अधिकारी बटैलै ।
ठक्कर डेहुइया विईङगरके सहचालकहे प्रहरीले नियन्त्रणमे लेले बा । चालक भर दुर्घटना पाछे फरार रहल ओ ओहकान खोजीकार्य हुइटी रहल प्रहरी जनैले बा ।
दुर्घटनामे परके गम्भीर घाहिल हुउइया तीनु जनहनहे तत्काल उपचारके लाग धनगढी लानल रहे । जौनमध्ये दुई जनहनके माया मेट्रो अस्पताल ओ एक जनहनके सेती प्रादेशिक अस्पतालमे मृत्यु हुइल प्रहरी जनैले बा ।
