४ किलो २१.४९ ग्राम सुन सहित २ जाने पक्राउ
पहुरा समाचारदाता
बाँके, २० भदौ । नेपालगंज उपमहानगरपालिका–२० राझाँ एअरपोर्टसे ४ किलो २१.४९ ग्राम सुन सहित २ जनहनहे शुकके दुपहर प्रहरी पक्राउ करले बा ।
पक्राउ परुइयामे झापा खादुनावारी गाविस–६ ठेगाना रहल २६ वर्षीय अमिर लगुन विश्वकर्मा ओ मोरङ लेटाङ गाविस–२ ठेगाना रहल २८ वर्षीय बुद्दीमान खाती रहल बटै ।
श्री एअरलाइन्सके उडानसे काठमाडौंसे नेपालगंज आइल ओइनहे नेपालगंज विमानस्थलके आगमन कक्ष वाहेर शंकास्पद रुपमे फेला पारके प्रहरी तलासी करेबेर विश्वकर्मासे लगाइल जुत्तामे रहल सुन जैसिन विल्गौना ४ थान विस्कुट ओ खातीसे लगाइल जुत्ताके तलुवामे रहल सुन जैसिन विल्गैना २ थान विस्कुट करके जम्मा ६ थान विस्कुट (काँचो सुन ३ किलो ९९४ ग्राम) ओ खातीसे बोकल झोलासे सुनके जैसिन विल्गैना तिलहरी १ थान, वाला १ थान, गणेश लकेट ५ थान (तौल २७.४९ ग्राम) करके जम्मा ४ किलो २१.४९ ग्राम सुन फेला पारके ओइनहे पक्राउ करल हो ।
यी सम्बन्धमे थप अनुसन्धान हुइटी रहल जिल्ला प्रहरी कार्यालय बाँके जनैले बा ।
