थप २० जनहनमे कोरोना पुष्टि

धनगढी, २१ भदौ । सेती प्रादेशिक अस्पतालमे सोम्मारके करल कोरोना परिक्षणमे थप २० जनहनमे कोरोना संक्रमण पुष्टि हुइल बा । पाछेक २४ घण्टामे ८१ नमूनाके कोरोना परिक्षण करलमे २० जनहनमे संक्रमण पुष्टि हुइल हो ।

अस्पतालके सूचना अधिकारी दिलिप कुमार श्रेष्ठके अनुसार पाछेक २४ घण्टामे २ जाने अस्पतालमे भर्ना हुइल बाटै । ओस्टके अस्पतालसे १ जाने डिस्चार्ज हुइल बाटै । हाल सेतीमे १७ जाने कोरोना संक्रमितके उपचार हुइटी रहल बा ।

जौनमध्ये ६ जनहनके आइसियु ओ २ जनहनके भेन्टिलेटरमे उपचार हुइटी रहल अस्पतालके सूचना अधिकारी श्रेष्ठ जनाकारी डेलै ।