काठमाडौंमे कुवाँर १ गतेसे विद्यालय खोल्न
काठमाडौं, २१ भदौ । काठमाडौंमे अइना कुवाँर १ गतेसे विद्यालय खोल्न निर्णय हुइल बा ।
काठमाडौंके प्रमुख जिल्ला अधिकारीसहित सुरक्षा निकायके प्रतिनिधि, नगरशिक्षा समितिके प्रतिनिधि तथा अभिभावक संघके प्रतिनिधिसहितके बैठकसे अइना कुवाँर १ गतेसे विद्यालय खोल्न निर्णय हुइल हो ।
कोरोनाके संक्रमणके अवस्था विश्लेषण नगर शिक्षा समितिसे आवश्यक निर्णय लेहे सेक्ना करके सोम्मारके बैठकसे निर्णय करल काठमाडौंके प्रमुख जिल्ला अधिकारी कालीप्रसाद पराजुली जानकारी डेलै । उहाँ कहलै, ‘कोभिडके जोखिम नइरहल ठाउँमे विद्यालय खोले सेक्जाई, रहल ठाउँमे खोल्न बाट नइरही । नगर शिक्षा समितिसे यीबारे आवश्यक निर्णय करे सेक्जाई ।’
महामारीमे विद्यालय कैसिक खोल्न ? अइसिन बा सीसीएमसीके निर्देशन
प्रशासनसे कुवाँर १ गतेसे विद्यालय खोल्न औपचारिक निर्णय करलेसेफे काठमाडौंके कुछ स्थानीय तहसे भर पठनपाठन समेत सुरु करसेकल बटै ।
कुछ आघे सीसीएमसीसे स्वीकृत ‘स्मार्ट–लकडाउनसम्बन्धी कार्यविधि, २०७८’ से जोखिमके अवस्था विश्लेषणपाछे भौतिक उपस्थितिमे शैक्षिक क्रियाकलाप सञ्चालन करे सेक्ना आधार डेहल रहे ।
दुसरा लहरके कोभिड–१९ सङ्क्रमणके कारण यी शैक्षिकसत्रके सुरुसे प्रत्यक्षरुपम्े नइहुके अनलाइन वा और सञ्चार प्रविधिके सहायतामे वैकल्पिक माध्यमसे पठनपाठन हुइटी आइलमे आब भौतिक रुपमे विद्यालय खोल्न डगर खुला करल हो ।
