थप १४२३ कोरोना संक्रमित, २०७२ संक्रमणमुक्त
काठमाडौं, २२ भदौ । बिटल २४ घण्टामे १ हजार ४२३ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ११ हजार १११ पीसीआर परीक्षणमे मंगरके रोज थप १ हजार ४२३ जहनमे संक्रमण पुष्टि हुइल हो । यीसँगे नेपालमे कोरोना संक्रमण हुइनाके संख्या ७ लाख ७२ हजार १८२ पुगल स्वास्थ्य तथा जनसंख्या मन्त्रालय जनैले बा ।
अस्टेक एन्टिजेन विधिसे करल ३ हजार ९२३ परीक्षणसे २५४ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १५ हजार ३४ परीक्षणमे १ हजार ६७७ जहनमे संक्रमण पुष्टिहुइल मन्त्रालय जनैले बा ।
पछिल्का २४ घण्टामे थप २ हजार ७२ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ७ लाख ३१ हजार बा ।
नेपालमे कोरोना संक्रमणसे थप २१ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ८७९ पुगल बा ।
नेपालमे कोरोनाके सक्रिय संक्रमितके संख्या ३० हजार ९७६ रहल बा ।
