लागुपदार्थ नियन्त्रण कैना समुदायमे प्रहरीसे अन्तरक्रिया
पहुरा समाचारदाता
मसुरिया, २४ भदौ । लागु पदार्थ न्युनिकरण नियन्त्रणके लाग प्रहरी ओ समुदायविच अन्तरक्रिया कार्यक्रम कैगिल बा । ईलाका प्रहरी कार्यालय मसुरियाके आयोजनामे गौरीगंगा –८ बढैपुर बजारमे कार्यक्रम कैगिल हो ।
अभिभावकसे अपन छावार्छा का करठै ? कैसिन संघरीयाके संगतमे बटै ? कना घरपरिवारसे निगरानी करे नइसेक्के मसुरिया क्षेत्रमे गाजा, रक्सी, चुरोट सेवनके निरन्तरता बह्रटी चरेस, हिरोईन ओ ब्राउनसुगरके कुलतमे फस्टी रहल सहभागी बक्ताहुक्रे बटैले बटै ।
समुदायसे प्राप्त सूचनाके गोप्यनियता धारके प्रहरी जनताके सेवामे तत्पर रहल कहटी बजार लग्गेक एकान्तमे स्थान, होटल, पार्क तथा वन जंगल क्षेत्रमे युवाहुक्रे जुवा तास खेल्न लागुपदार्थ सेवन ओ खरिदबिक्री हुइना करल उल्लेख करटी ईलाका प्रहरी कार्यालय मसुरियाके प्रमुख गोपाल कार्की टोल बस्तीसे सूचना डेके लागुपदार्थ नियन्त्रण न्युनिकरणमे सहयोग कैना सहभागीहे आग्रहमे करले रहिट ।
ईलाका प्रहरी कार्यालय मसुरियाके प्रमुख गोपाल कार्कीके अध्यक्षतामे हुइल कार्यक्रममे बढैपुर बजार व्यवस्थापन समितिके अध्यक्ष कमल जोशीके प्रमुख आतिथ्यतामे हुइल रहे ।
सामुदायिक प्रहरी साझेदारी कार्यक्रम अन्तर्गत समुदायके संघ संस्था, शिक्षक, युवा अगुवा लगायके सहभागिता रहल रहे ।
