सेती प्रयोगशालामे १५ जनहनमे कोरोना पुष्टि

धनगढी, २४ भदौ । सेती प्रादेशिक अस्पताल अस्पतालके प्रयोगशालामे बिफेक रोज १५ जनहनमे कोरोना पुष्टि हुइल बा । पाछेक २४ घण्टामे ७३ जनहनके नमूना परिक्षण करलमे १५ जनहनमे संक्रमण पुष्टि हुइल हो ।

अस्पतालके सूचना अधिकारी दिलिप कुमार श्रेष्ठके अनुसार पाछेक २४ घण्टामे २ जाने अस्पतालमे भर्ना हुइल बाटै । ओस्टके अस्पतालसे २ जाने डिस्चार्ज हुइल बाटै । हाल सेतीमे १७ जाने कोरोना संक्रमितके उपचार हुइटी रहल बा । जौन मध्ये ७ जनहनके आइसियु ओ ३ जनहनके भेन्टिलेटरमे उपचार हुइटी रहल अस्पतालके सूचना अधिकारी श्रेष्ठ जनाकारी डेलै ।