थप ११८० जाने कोरोना संक्रमित, १५८९ संक्रमणमुक्त

काठमाडौं, २९ भदौ । बिटल २४ घण्टामे १ हजार १८० जहनमे कोरोना संक्रमण डेखाइल बा । १० हजार २६६ जहनके पीसीआर परीक्षण करलमे १ हजार १८० जहनमे संक्रमण डेखाइल स्वास्थ्य तथा जनसंख्या मन्त्रालय जनैले बा ।

अस्टेक, ४ हजार १७७ एन्टिजेन परीक्षणमे ३८२ जहनमे संक्रमण डेखाइल मन्त्रालय जनैले बा ।

२४ घण्टामे १ हजार ५८९ जाने संक्रमणमुक्त हुइल बटैं । १९ जाने संक्रमितके मृत्यु हुइल बा ।
देशभर सक्रिय संक्रमितके संख्या २६ हजार २०२ बा ।

हालसम नेपालमे कोरोनासे ७ लाख ७९ हजार ४९२ जहनमे संक्रमण हुइल बा कलेसे ७ लाख ४२ हजार ३०६ जाने ठिक हुइल बटैं । अस्टेक, कोरोनासे मृत्यु हुइनाके संख्या १० हजार ९८४ पुगल बा ।