असोज तीन कालो दिनः मोर्चा

पहुरा समाचारदाता
धनगढी, ३१ भर्दाै । थरुहट/थारुवान राष्ट्रिय मोर्चा कैलालीसे संविधान दिवस अर्थात् असोज ३ गतेहे कालो दिनके रूपमे मनैना हुइल बा ।

मोर्चासे असोज ३ गते कैलालीके जोशीपुर बजारमे विरोध सभा आयोजना करके कालो दिन मनैना थरुहट/थारुवान राष्ट्रिय मोर्चा कैलालीके संयोजक माधव थारु बटैलै ।

संयोजक चौधरी जिल्लाके टमान ठाउँमे संविधानके धारा २७४ ओ अनुसूची ४ हे जराके विरोध कैना बटैलै । २०७२ असोज ३ गते ‘नेपालके संविधान २०७२’ जारी हुइल रहे ।

थरुहट/थारुवान मोर्चासे कैलाली–कञ्चनपुरसहित पश्चिम तराईहे थरुहट राज्य बनाई पर्ना लगायतके माग करटी आइल बा ।

मोर्चासे संविधान जारी हुइना आघेसे उठैटी आइल माग संविधानमे नइसमेटलपाछे मोर्चा संविधान जारी हुइल दिनहे कालो दिनके रूपमे मनैटी आइल संयोजक चौधरी बटैलै ।