सुपथ मोल पसल संचालन

पहुरा समाचारदाता
धनगढी, २ कुवाँर । डसिया, डेवारी ओ छठ पर्वहे मध्यनजर करके खाद्य व्यवस्था तथा ब्यापार कम्पनी लिमिटेड सुदूरपश्चिम प्रादेशिक कार्यालय ओ साल्टट्रेडिङ कार्पोरेशन लिमिटेडसे सुपथ मोल पसल संचालनमे नन्ले बटै ।

खाद्य व्यवस्था तथा व्यापार कम्पनी धनगढीमे खाद्यन्न छुट मुल्य धनगढीसे शुकके रोजसे पसल संचालन नानसेकल हो कलेसे साल्टट्रेडिङ कार्पोरेशनसे आजसे धनगढी ओ अत्तरियामे सुपथ मोल पसल संचालन करल हो ।

कम्पनीसे यिहे कुवाँर १ से कार्तिक २४ गतेसम खाद्यन्न सहुलियत छुट मूल्य पसलके उद्घाटन प्रमुख जिल्ला अधिकार खगेन्द्र प्रसाद रिजाल एक कार्यक्रमके विच करल रहिट । उ पसलके उदघाटन करटी उहाँ डसिया डेवारी ओ छठमे यहा“के जनताहुकनके सहजके लाग खाद्यन्न सहुलियत छुट मूल्य पसल संचालनमे आइल बटैलै ।

उ पसलमे खाद्यान्नके अरुवा मोटा चाउर, जिरा मसिना स्टिम चाउर ओ गोहु“ लगायत तीन मेरिक खाद्यान्नके छुट मूल्य पसल खोलल बा । अरुवा मोटा चाउरके प्रति क्विन्टल रु. ४ हजार ५२५ मे ५ सय छुट, मसिना स्टिम चाउरके मूल्य रु ६ हजार ५ सयमे मन्से ५ सय छुट करके ओ गोहु“के मूल्यप्रति क्वीईन्टल तीन हजार पा“च सयमे पर्ना रकम ५ सय छुट छुट करल खाद्य व्यवस्था तथा व्यापार कम्पनी लिमिटेड सुदूरपश्चिम प्रादेशिक कार्यालय धनगढीके प्रमुख जगत बहादुर कुवा“र बटैलै । खाद्यन्न सहुलियत छुट मूल्य पसल कम्पनीके धनगढी बजारके अपने गोदाममे संचालन करले बा ।

ओस्टेक करके साल्टट्रेडिङ कार्पोरेशन लिमिटेड आजसे कैलालीके दुई ठाउँमे सुपथमोल पसल संचालन करेक लाग बा ।
डसिया डेवारी ओ छठ पर्वहे लक्षित करके सुपथमूल्य पसल सञ्चालनमे नानल कार्पोरेशनके प्रदेश प्रमुख केशव पाण्डे बटैलै । सुपथमोल पसल धनगढी ओ अत्तरीयामे संचालन हुई लागल उहाँ कहलै । सुपथमोल पसलमे नोनमे दुई रुप्या छुट करके १८ रुप्या ओ चिनीमे छुट करके ७९ रुप्या मुल्य तय करल उहाँ कहलै ।

शनिच्चरबाहेक हरेक दिन सकारे १० से ४ बजेसम सञ्चालनमे अइना सहुलियत पसलमे साल्टके बिक्री केन्द्रसे बिक्री हुइना चिनी ओ नोनके लाग केल कोटा तोकल प्रमुख पाण्डे बटैलै । एक व्यक्ति ६ किलो नोन ओ २ किलो केल चिनी किने पैही कलेसे और वस्तु चाहल जटरा खरिद करे सेक्ना उहाँ बटैलै । उहाँ कहलै, सहुलियत पसलमे उपभोक्ता सक्कु खाले खाद्य वस्तुमे कम्तीमे दुई रुप्यासे ढेरमे १० रुप्यासम छुट पैही ।

ओस्टेक करके सरकार देशभर डसिया डेवारी ओ छठ पर्वहे लक्षित करके सुपथमूल्य पसल सञ्चालनमे नन्ले बा । खाद्य व्यवस्था तथा व्यापार कम्पनी, साल्ट ट्रेडिङ ओ दुग्ध विकास संस्थान (डिडिसी)सहितके सहभागितामे काठमाडौं उपत्यकामे १३ ओ मोफसलमे ६२ ठो सुपथ मूल्य पसल सञ्चालनमे आइल उद्योग, वाणिज्य तथा आपूर्ति मन्त्रालय जनैले बा ।
छठके दुसर दिन कात्तिक २४ गतेसम ५५ दिनसम सुपथ मूल्य पसल सञ्चालनमे अइना बा । काठमाडौंं उपत्यकामे खाद्य व्यवस्था ओ साल्टके करके घुम्ती सेवासहित १३ ठो पसल सञ्चालनमे आइ । खाद्य व्यवस्था तथा व्यापार कम्पनी मातहत रहना करके थापाथली, रामशाहपथ, नख्खु ओ सूर्यविनायक भक्तपुरमे चार ठो बिक्री केन्द्र रही ।

ओस्टेक साल्ट ट्रेडिङके केन्द्रीय कार्यालय कालीमाटीमे २, कोटेश्वर, सतुंगल, जाउलाखेल ओ भक्तपुरमे करके ६ ठो सहुलियत पसल सञ्चालनमे आइल बटै । खाद्य कम्पनी अन्तर्गतके ३९ ओ साल्टके २६ ठो थप सहुलियत पसल भर काठमाडौं उपत्यका बाहेर बटै । खाद्य अन्तर्गतके पसल ३९ ओ साल्टसे २४ जिल्लामे अपन केन्द्रसे सहुलियतके खाद्यान्न बिक्री करही ।