क्याम्पसके विकासके लाग अन्तरक्रिया
पहुरा समाचारदाता
धनगढी, २ कुवाँर । कैलालीके धनगढी उपमहानगरपालिका वडा नम्बर १८ फूलवारी स्थित फूलवारी बहुमुखी क्याम्पसके विकासके लाग अन्तरक्रिया कार्यक्रम सम्पन्न हुइल बा ।
क्याम्पसके उन्नति, प्रगति ओ विकास सम्बन्धी सरोकारवाला निकायसंग अन्तरक्रिया कार्यक्रम हुइल हो । क्याम्पसके अध्यक्ष रमेश कुमार बस्नेतके अध्यक्षतामे हुइल कार्यक्रमके बर्का पहुना कैलारी गाउँपालिकाके अध्यक्ष लाजुराम चौधरी रहल रहिट ।
कार्यक्रममे अध्यक्ष चौधरी क्याम्पसके उन्नति, प्रगति ओ विकासके लाग गाउँपालिकासे हुइना सहयोग कैना बटाइल रहिट । उहे कार्यक्रममे अध्यक्ष चौधरीहे मायाके चिनो सहित सम्मान करल रहे । क्याम्पस प्रमुख यम पौडेल कार्यक्रम सञ्चालन रहिट ।
कार्यक्रममे वडा नम्बर १८ के अध्यक्ष मुरारी अधिकारी, नेकपाके दिनेश चन्द्र सुवेदी, लगायत राजनीतिक दलके प्रतिनीधी, समाजसेवी, बरघर भलमन्सा, वुद्धिजिवीहुक्रनके उपस्थिति रहल क्याम्पस व्यवस्थापन समितिके सदस्य बलबहादुर चौधरी जानकारी डेलै ।
